კადრს მიღმა – მარიამ დავითურის გამოფენა DAE-ში

16-19 მაისს, DAE-ს სივრცეში, გაიმართა მარიამ დავითურის ფოტოების შთამბეჭდავი გამოფენა. ეს დღეები არა მხოლოდ ვიზუალური შთაბეჭდილებებით, არამედ სიჩუმით სავსე ისტორიებით იყო დატვირთული - ისეთი ისტორიებით, რომლებსაც მხოლოდ მარიამის ობიექტივი ხედავს და გრძნობს.

Blackbird ახალგაზრდა ფოტოგრაფია, რომლისთვისაც ვიზუალურ ხელოვნებას დიდი სიღრმე და დატვირთვა გააჩნია. მისთვის ეს არის ხერხი ყოველდღიურობის შეჩერებისა და დაკვირვებისთვის.

 ნამუშევრები გამოირჩევა ბუნებრივი სინათლისა და ჩრდილების მიმართ მგრძნობელობით, თბილ ფერთა პალიტრითა და სევდანარევი სიმშვიდით. ფოტოებში ხშირად შეხვდებით ნახევრად დაცლილ ოთახებს, შორიდან დანახულ ადამიანებს, მყუდრო დეტალებს – ყველაფერს, რაც თითქოს მოგონებად იქცევა სწორედ იმ წამს, როცა ხედავ.

გამოფენა

გამოფენა მოიცავდა მარიამის ბოლო რამდენიმე წლის განმავლობაში გადაღებულ ფოტოებს. დამთვალიერებელს საშუალება მიეცა შეეღწია იმ სამყაროში, სადაც ფერებს მნიშვნელობა აქვთ, ხოლო დუმილს – ისტორია.

სივრცემ გაიარა მეტამორფოზა და დროებით გადაიქცა ფერმკრთალ, თბილ კადრებად.

მარიამი არის მშვიდი, მაგრამ ძლიერი ხმა თანამედროვე ქართული ფოტოგრაფიიდან.